فرید بھنڈار

'' لؤ ہُن ایہو سرھانا جے''

''ایہہ ہدوانا؟''

''آہو

اُتے ہرا اُچھاڑ جو ہویا،

سِر تھلّے ایہو رکھیا کرو

وِچوں لالو لال تُہاڈے ہار

سچے رتّا سچ،

خلق نُوں اندرو اندرے ای

گُھٹ گُھٹ رَس مجِیٹھ چھکائی آؤندا اے

بی متِیرا وِچ دھرائی آوندا اے''

مجِیٹھ/منجیٹھ= 1) اِک ویل جیہدی جڑھ وِچوں پکّا لال رنگ نِکلدائے، 2) پکّا لال رنگ- منجِیٹھڑا رتا میرا چولا (نانک)

اندر رَچے سچ رنگ جِیو منجیٹھے لال (امرداس)

بی= بِیج، سِیڈ- متِیرا= 1) ہدوانا، لمّی ونگی دا، 2) سجنائی، مِترپّ والا-

نہ مَیلا نہ دُھندلا، نہ بھگوا نہ کچ

نانک لالو لال ہے، سچے رتّا سچ

(نانک)