فرید بھنڈار

قیداں رنگ برنگیاں نیں،

جیلاں حوالاتاں

تے اِک رنگ ہویا،

نوکریاں وپار زِیویں دارے

دوجا اے،

دِین دھرم دِیاں ہِجر1 حضُوریاں ترِیجا،

ترونہاں توں چُھٹکار دا ٹھیکہ چوتھا اے،

اِک دُوجی نُوں کجدیاں نیں قیداں

اِک دُوجی دے ہِت تے وجدیاں گجدیاں نیں

اِک کنوں چُھٹی نُوں اگلی دے ڈھائے چڑھاون

اُچیری ڈِگری دا گاؤن2 پَواون ہویا

1- ہِجر: جُدائی، وکھریواں – 2- گاؤن: لمّا کالا چوغہ جیہڑا ڈِگری لین ویلے پایا جاندا اے-