شہراں وِچوں شہر سُنیندے
ناں کیا گِھنسوں
نِکے وڈے اصلوں سارے ہِکا ای نیں،
صدیاں وگ وگ تھیئے بگانے پیر سُنیندے
شہر کوئی اج تاں پئے ناہیں،
ناہِیں اوہ وارے لنگھ گئے
جد پِنڈ گراں گَھڑ چِھل بزاریں دھرے اساں
ہریاں سِراں وِچ عَیش کَیش بَھڑ بھرے اساں،
شہر شہر چوں جھوک1 نوں راہ نیں
ناہیں مُک اوہ سنگ گئے
کِیتی اپنی ہِچھا2 پلٹاون کان
اکھیں جیہناں دِیاں سَتّے پاہ نیں
1- جھوک= جھوک عنایت-2- ہِچھا= کِھچ کے تروڑ کے-