''اج اساں گئیاں جسّے شیخ دے بھاء
اَن سُنی کوئی وار سُنن،
اِک گاون سُنا
روٹی مکئی دی سرہیؤں دا ساگ کھوا
سانوں ٹور دِتا''،
''بِینیئے پِھینیئے
نُورِئیے فتُورِئیے
بِل بتَوڑیو ناساں چَوڑیو
گاون سُناؤ نا سانوں اوہ اَن سُنیا''
''جِنا بُڈھیپا تِھیندا ونجے رُوڑی رَڑا
اونیاں آساں پُنگر نِسّر ہوون جوان،
جُڑ خلق دا اُٹھن اُپرالا ہویا کہ ہویا جاپے،
گَھٹ سُنیندے کنّ گُنجارن
جَنی کَھنی رل اوہلے جوڑے بول،
سڑکوں پار جاں ویکھ سکن نہ اکھیاں
پڑھ نہ سکن چَھپ جھولی چڑھیا
سہج سبھائیں ساہویں کراون
اَیر دومیلیں واہے
سنیہی راہیاں دے''