فرید بھنڈار

بُک بُک بے رنگ پانی رلیا

نِیل سرووَر سَر1 وَریا،

نچ نچ لہراں لَکھ اَلَکھ اساں

کتھی اکتھ ہاں ہِیناں دی

جَتھ2 اَجتھ جگ دِیناں 3 دی،

ویہر ویہاروں تھی ست سیدھ نسنگ ہوئیاں

تھوڑ تِھڑک نہ، لاہ کوئی نہ

نہ ای پھاہی بے وساہی

ڈر نہ کوئی پرواہ4 کوئی نہ

نِت نِت نِیل نہاوندیاں نینہہ انگ ہوئیاں

1- سَر= جو سریا= 1) جو مِلیا، 2) جو وِت وس وِچ سی- سرن= 1) سرکن، ٹُرن، وگن، 2) مِلن، پاروں، 3) جو وت وِچ ہے (اوہ کر دیون)- 2- جتھ=جَتھی (جتھا)- اَجتھ= کِھنڈی ہوئی-

جَتھن= 1) جمع کرن، اِکٹھا کرن، 2) گروپ بناون، 3) جمع ہوون، اِکٹھا ہوون-

3- دِیناں = جمع دِین (دِین= کنگال، دُکھی)- 4- پرواہ= پر (غیر، پرایا) نال واہ (لاگ)-

واہ= 1) طاقت، سکت، 2) لاگ، رِشتہ، کنکشن، 3) ویہن، رستہ-