''گاہک بھائی جی پورا جُسا وہاجن تے نہیں آوندا
پُٹھ پَٹ چھاتی سِری کھروڑے
ساڈا کم قصائی دا جے
انگ انگ دی وکھو وکھ مشہوری وٹی کھٹی اے،
اوہ تے ٹھیک اے
اُبھار وکھالا گُجھ حوالہ وی تے ہوندا ای اے
ناں انگاں دے آپ وی سودا ہوئے
لِکھن بولن دی جِنی مناہی
اونی مہنگ وکائی
گاہک وی سمجھو پاڑھک ہوندائے
نہ وکے جیہڑی، بَین کتاب کرا لؤ، ویکھو
گل وچ رلنوں ورجے ناں اوہ گالھاں وچ وڑ بہندے نیں
گاہک وی اصلوں گالھاں یہن ای آوندے نیں
پورا جُسا سنھو سنھ ہے
تے سنھ ای گاہک دا سنسا ہوئی
کیوں؟ جوڑ وی سنھ، تروڑ وی اے
چَو پاسڑ موڑ وی اے
سنھ پاڑھ پڑھائی وی اے، گوء وی، پھٹہ پھاہی وی-''