مُنڈا کُھنڈا اے رِکشے والا
میں بہہ کے پیسے دین لگاں
اخبار انگریزی کَچھ میری چوں بُھنجے ڈِگ پئی اے
''اوئے ایہہ کیہ کیتا جے''
اوہنے چُک فٹا فٹ چُم کے لائی اے اکھیاں نوں
''کیہ پتا وچ ناں کِسے دا ہووے وڈئیو
ڈرنا چاہیدائے''
''انگریزی پڑھ لینائے''
''تُسیں چلاؤ نا رکشا میں انگریزی پڑھناں''
مُڑ پکے مونہہ نال آہندائے
''تُسیں پنجابی پڑھ لیندے او؟''
''آہو جے مشکل نہ ہووے تاں''
''بڑی اسان جے آؤ''
اوہ مینوں رِکشے مگر لے گیائے
وچ موٹا موٹا لِکھیا ہویائے
''ساری گل نصیباں دی''
آسے پاسے نِکا نِکا
''نو پنگا ورنہ دنگا''