(پورے ہنیرے وچ جھٹ پچھوں ماڑی جیہی لوئ- مِرکانا پیلس دے ڈرائنگ روم دا جَھولا پیندا اے انگیٹھی توں- تارو فرش تے ٹاکی مریندی انگیٹھی نیڑے آئی اے- اُٹھ کے دِیوا ویکھدی اے چا کے- مِرکانا ساب دا پُتر چوّی پنجی دا جوان سلیپِنگ سُوٹ وچ عینک لائی- پچھوں آ کے بانہہ پھڑیوس- تارو تربک کے دِیوا چھڈ دتا اے-)
چھوٹا مِرکانا: (کَن سَن) تاریئے دساں منٹاں لئی- آجا میرے کمرے وچ ہیں- عیش کرا دیساں تینوں-
تارو: (بانہہ جھٹک چھڑائیس) میں دسنی آں وڈے مِرکانا ساب نوں-
(چھوٹا مِرکانا اپنے کمرے وچ گیا اے- تارو دِیوا چا کے بوجھے وچ پا لیا اے- چھوٹا مِرکانا مُڑ آیا)
چھوٹا مِرکانا: تارو- (تارو مُڑ تربکی اے- اوس پنج سو دا نوٹ وکھایائے-) بس دساں منٹاں دی گل اے- آجا، ہیں-( تارو ٹُری اے اوس اگوں دی آ کے پنج ہزار دا نوٹ وکھالیاس- تارو دھکا مار کے سُٹ دتا اے اوہنوں- ٹُر گئی اے)
(ہنیرا)