فرِیدا
ہتھ وی پتر سن
ایہہ لتھ جنگل رُکھڑیاں نالوں شہر وڑے
پترِیاں ہو مَلّ سَنگلاں وچ پَرُتّے
کشٹ رگڑ کر پترِیاں پتھر
کھٹ کڈھے نیں وچوں سوتے ارتھاں دے،
جُڑ وَگ پِرم سروور ہو ایہہ مَلّ سنگلاں نُوں
روڑھ تروڑ کھڑیسن
مناں تے وت اُگیسن جنگل
مَلّ سنگل= مالکی دِیاں زنجیراں - کشٹ= سخت محنت، مُشقت-
کھٹ= کھود کے- سوتے= چشمے- مناں = کنڈھیاں، کناریاں - پِرم= پریم-
فریدا ایہہ جو جنگل رُکھڑے، ہرئیل پَت تِنہاں
پوتھا لِکھیا ارتھ دا، ایکس ایکس مانہہ