سترو بالڑی ترونہہ ورھیاں دی،
رُکھ تلیؤں چاء ڈھٹھی تِتری
دھر تاکی وِچ کول کھلی اے
ماں نماز پئی پڑھدی اے نال ای
ہتھ جاء نماز نُوں لا تِتری ول آوندی اے،
ماں پچُھیائے ایہہ کیہ پئی کرنی ایں؟
''ہتھ لا تیری جاء نماز نُوں
تِتری دے پراں نُوں لاونی آں
اوہ ہَلدے نیں''
ٹھپ جاء نماز ماں اندر چلی،
سترو چا تاکیوں تِتری
دھر رُکھ تھلے ماں دے نال ہوئی اے
''سویر تائیں اُڈ جاسی''،
اُٹھ سویرے باہر آئی اے،
پچُھیم سترو تِتری اُڈ گئی اے؟
''نہیں،
اوتھے ای مری پئی اے،
ایویں میں اماں کول پئی آئی،
ہتھ میں اوہنوں ای لاوندی رہندی
تے اوہ اُٹھ بہندی