گِٹکاں ای آہِیاں نُکرے
بنچ دے نال پئیاں
امب چُوپ کھا سٹے جَمُوں،
آئی اوہ
اَٹھاں دسّاں دی ہونی اے، حد بارھاں دی
جَمُوں پنج ست جاچ ادھ ٹُکّے
چُنی دھرے تے ٹُر گئی،
سوچناں ویکھو ایہناں لوکاں دا حال……
اِچراں نوں پرت نہ آئی اوہ
گِٹکاں دھریاں چُنی
میں کِھجناں ''کیہ کرنا ای ایہناں نوں چَٹنا ای؟
نال کیہ دِسدا ای ایہناں دے؟
کول ہو آہندی اے بھیت جیویں کوئی دیون لگی
''ایہناں دے ڈِھڈ وِچ بچے نی وڈیا
زِویں وچ دیندیاں نی
اوتھے ای وڈے ہوندے نیں پَھل نویں کڈھدے نیں''
آکھ اُڈاری مار گئی
جاپے ہتھ لِکھی
کھیڈ ساہمنے وار گئی