نلکا اوہ سرکاری
تربکا تربکا چوندا اوڑک بول پیا
‘‘کوئی عقل کرو
بھانڈا رکھو واریو واری
جِس ویلے بھر گیا
دھونے اپنے دھو لینا
کدوں مُوتر کراں میں کُھلا
دیہاڑے چار لگن
لگ جائے ورھا مہینہ
پئے سنگھو پسینہ سُکا کچھاں ٹوہ ٹوہ کے
جلوس بنا سپ ہو کے سڑکاں تے ڈِھڈ رگڑو
سِر تے تہاڈے ٹرک بندوقاں والا کوئی چاڑھ دیوے
بہتے کالھے او تاں ساون آون دیو
پی چھپڑی تہاڈی سُکی خبرے بدّل دھار کوئی مار دیوے
ٹھنڈیاں ہو لینا
مُڑ چو لینا
جیہڑا وی سنڈھا چونائے……
کوئی عقل کرو
میں نلکا سرکاری
کیہ میتھوں سُنن کھلو گئے او’’