لوڑھی دی وار
نِکلو سنگیو نی
گھر گھر منگ سہیڑئیے بالن لوڑھی لوڑِیندا
مچ مچائیے
جَس لوڑھی دے گائیے
اوہدے دان دی ونڈ ریوڑی کھائیے،
لپک لمب لوڑھی دی
چڑھ چڑھ جِبھاں تے بولے
بھیت پُراتن کھولے:
''لوڑھا،
کیہ کیتا ایہناں چَتر مُورکھاں،
بھا1 سنگوری2 آہی تت ست ہر ہر دا
دیہو دیہہ پِھردی پشو پکھو وِچ
ککھ رُکھ سار سماندی،
لوڑھا، کیہ کیتا ایہناں چتر مُورکھاں
وکھر پکاون کیتے جیہناں آپو اپنی چُلھ وِچ ڈاہی،
تک مینڈی دھر نینیں نی اڑیو جھاتو اندر
چِت چیتے وِچ سُتی دُھوکھ چِرکالی
جاگ پوے مُڑ
چھوہے جاں سانجھا ساہ تُساں دا،''
نِکلو سنگیو نی
مُکھ ویکھو نا مانہہ دا
ایہدیاں ٹَھریاں لُوآں نوں
آؤ اگنی بھوگ چکھائیے
1- بھا= اگ-2- سنگوری= سنگت والی، سنگت بناونی-