''تُس ایس راہیں نہ آئیو نہ جائیو''
''لگدا تے سدھا ای اے''
''ٹکردیاں نیں ایتھے بلائیں وی سِدِھیاں ہو راہیاں نُوں''
''بلائیں ناراں ای کیوں ہوندیاں نیں
ایہہ گنڈھ کھولو نا اج''
''نر راج وِچ دو ای کاج ہوئے ناری دے
اِک تے نر دی سیوا کرے
جیویں اوہ کرے کراوے،
دُوجا بلا بن چمبڑے اوہنوں
جیہڑا راج نال متھا لاوے''،
''پر ساڈے تے متھے ٹیکن لئی نیں
لاون لئی تے ہے ای نہیں''
''ایس راہ تے بلائیں باہرلیاں نیں
ٹیکیاں متھیاں نُوں چھیکن دا کم اوہناں پھڑیا اے
چھیکیاں نُوں کھڑ باہر سکھنا کریندیاں نیں
سکھنیاں وِچ اپنا نیہا بھریندیاں نیں''