فرید بھنڈار

کندھ ناہیں نی بھینا

ایہہ تاں کوٹھا جے،

کوٹھے کوٹھیاں نویں پُرانے چھاونیاں ٹھانے

اندر والاں دا ترلا اے سانوں تاڑن دا،

اساں جُگو جُگ باہرلیاں،

مَلّ ٹَھلّ سانوں وارے نہ ہوئی،

سکّھن ہتھیں ٹِھلدیاں نُوں

آرلیاں ہو پارلیاں،

اندر والاں دی واہ ورتن اساں پَوند پروکھی1 کیتی،

موکھ2 ایہہ ساڈا ساہ ست ہویا

سائیجُ3 سروَر نِت نہالِیاں کال4 دِیاں

1۔ پروکھی= دُور، پرے، اوجھل، غائب- 2۔ موکھ= مُکتی، آزادی- 3۔ سائیجُ= برابری، اِکو جیہا ہوون- 4۔ کال= 1] کالی، 2] اوہ نابری جیہڑی نار دے اندر وسدی اے جدوں دی نر پردھانی حاکم ہوئی اے-