اِزالکو1 اگن پہاڑ
اگن پہاڑ جدوں ہا انت دا کھبّڑ2 ہا
ایہنے وٹیاں بھریا پگھر مُونہوں اُگلنا
گڑھکنا تھرتھلنا
امن چین نوں تِیلی لگ جانی،
اج ایہہ اگن پہاڑ ہے چنگا
شریف شہریاں ونگر دا
جیہڑا ہوتیل دی مونتاناور3 دے سنگ پیا
امن چین نال وسدا اے،
تے اَڈّے مُونہہ وچ ایہدے اسیں
جِس ویلے چاہیے پائیے آتش بازِیاں
جیہو جہیاں پان تُھکاں نال شُہرے موہری ساڈے
کندھاں سجائی آئے نیں،
اگن پہاڑ ہُن افسراں لئی ہے
سگوں ٹھنڈیاں اُتھل کاراں لئی
تے ٹریڈ یونین والاں لئی وی
تِتے سِر نہیں موڈھیاں تے دھر بیٹھے جیہڑے
تے پتہ نہیں کیویں سُکھال نبھائی دا اے،
اگن پہاڑ ہُن کدے رمز نہیں بننی
گج گج ورھدیاں کملے گوریلڑیاں دی
بس اوہا ای ہُن رہ گئے نیں
1- ازالکو= اِک اگن پہاڑ دا ناں -2- کھبڑ= کھبے دھڑے دا، لَیفٹسٹ-
3- ہوتیل دی مونتانارو= اِک وڈے ہوٹل دا ناں -
جیہناں نُوں ایہدا چَین نہیں وارے،
بِیبے معزز پرولتاریو کُل جہان دیو
سنٹرل کمیٹی ولوں تہانوں سدّا اے
آؤ درس لئیے
اِزالکو اگن پہاڑ1 کولوں،
اگ دا تے ہُن فیشن ای نہیں
اسیں خامخواہ ایہنوں دِلاں وچ لئی پِھرئیے
(روک ڈالٹن)
(1975 وچ چھپی کتاب ''گُجھیاں کافیاں'' وچوں)
- اگن پہاڑ= بھا پربت-