فرید بھنڈار

تُوں آکھیں

ہُن دُور دُراڈے خاب خیالِیں رہ وِچھوڑا پالن دی

مُد مُکی

آئی گھڑی حضُوری

تُل1 ہو ہتھیں اساڈے

ایہہ لِف لِف چا اُکھیڑے دِلاں چوں گالے2 مَل منارے

تُوں آکھیں

ہُن غیب دے دُھوں نال اکھیاں دھوون دا ویلا گیا

آئی گھڑی ہُن سَت سنجوگی

ٹَھپّن وپار سپارے

1 - تُل: اوہ چیز جیہنوں اَڑا کے دوسری بھاری چیز اُتانہہ چُکی جاندی اے- اڑیس، لِیور-

2 - گالے: ڈھالے، دھسائے، گڈے (جیویں باہر اُسار کے کُھوہ زمین وِچ گالیا جاندا اے)-