''ہُن کرئیے پرہیز کیہ یارو
ٹُر تے گیا انگریز
شراب تے اوہدے نال نہ گئی''
''آئی کیہڑی اوہدے نال ہئی
تُرک مُغل درباراں دی جُوٹھی
چِت اساڈے سُچے کرن لئی وِچ رگاں دے لہندی رہی''
''سچی گل جے
نشہ شراب دا اپنا تے ہوندا ای اے جو ہوندائے
پر نال نشہ انگریز تران دا
تُرک مُغل دی شوکت شان دا
ٹوہر حاکمی مان گمان دا رلیا ہوندائے''
''یا آکھو
اصل نشے نوں ایس سان دا گَھسّا ترِکھا کر دیندائے''
''پر خبرے
اصل نشہ ہے ایہو دُھروں
جو ہو نِکلو اوہدے وِچوں
ہور ہووو''
''آہو
پر پتہ تے کر لؤ پہلوں ہو کیہ
تے کیہڑیاں ہوراں دا شور اے جیہڑا
سدّے تہانوں دیندا اے پیا''