ناظم حِکمت دی
(جیلوں)
اکھیاں بِلیاں مینڈی سجنی دِیاں
وِچ لہر تے لہر ہری
پتر سنہرا اُپر ساول جھلکار،
بھراؤ ایہہ کیہ کہانی اے
نَوں ورھے ہوئے ساڈے ہتھ دوہاں دے
چھوہوں وانجے
میں اِتھائیں
اوہ اُتھائیں
بڈھڑے تِھیونے آں پئے……
کُڑئیے مینڈڑئیے
چِٹی دَھون تینڈی بھری بھری نُوں
وٹ مہین دو ٹوہندے نیں پئے
پر اصلوں وِرد تے ہو نہیں سکدے اسیں
اِک وارا ہور لگے تاں ماس ڈھلک سکدائے،
بُڈھے تے لوکیں تاں تھیندے نیں
جدوں اپنے سوا اوہ کِسے ہور نُوں پیار نہ کردے ہوون