جی تے کریندائے چاواں بھنڈارا
سرل سُراں دا،
صدیاں چِھل پَچھ زیراں زبراں پیشاں مَدّاں جزماں
کر کر حُجر حضوری ڈاہیا
ٹھوک منڈی دِیاں قلماں جیہڑا
واہنیاں اکھراں نوں ونڈ کے آواں
سنگ نسنگ ہو چھوہن اِک دُوجے نوں
موکل بول ہو جاون
واج نتار اُدھارن گُھٹیاں سنگھاں نوں،
کیہ کراں پر سیال بہارے
بُڈھے وارے،
کنبدے ہتھ آہندے نیں بِینی
اسیں ای نہیں
ہور وی ہتھ بتھیرے نیں
کردے نیں پئے جو سردا اے،
کنّ سُنن تے لا
واء دا سَر پیا بھردا اے