”سُرَینِیئے
تُوں گھنی مستؤل ہیں
ماڑیاں دیاں ہتھاں وِچ
بھری ہوئی پستؤل ہیں،
جِھڑکن ویلے پُتراں نُوں
پِھٹے مُونہہ سبھ مائیں آکھدیاں نیں
تُوں سنگیاں نُوں پِھٹے نک کیوں آکھنی ایں؟“
”پِھٹے نک،
کیوں مینوں مُڑ مُڑ کوٹھے چاڑھی آونا ایں
کوٹھے لاہوندی لتھی آں،
پستؤل کیہا
ہتھ میڈے کشکؤل وی نہیں
سانجھ دواروں گا نچ جِیوکا پنج کنی دا چَھکنی آں،
سنگیاں دا مُونہہ میں کیوں پِھٹکاراں
مُونہہ وِچ اکھیاں کن نک سبھے ہوئے
سنگیاں دے نک دی سُنگھ سُنک میں کیوں للکاراں،
نک جیہڑا مل دی مَیں ہے
جدوں کدے اوہ سنگیاں دے مُکھ تے
اُگھردا مینوں جاپے
کپن کیتے اوہنوں گِننی مِننی آں“
سرکار سلامت بارے