ماں گُھگیئے
اِک تینڈے تھتھلے بول ای
ثبُوتے نی ایس ویلے،
کویلے آونی ایں، ویلا نال لیاونی ایں،
بھار بگانے لاہ کے سانوں سنگیاں نُوں
ست دی ہَول چواونی ایں:
“دِیپ دِیویا میندریا1
لوء تیندری2
ایہناں اکھیاں نُوں جُگاں دا سیل کراوندی او،
ویہندیاں نیں پئیاں
تُساں پئے دھاوندے3 او
ایہہ وِس کھار دے مندپ4 مندوے مندیاں
پدھری جائیں پَرم پرِیتل کُلیاں پئے وساوندے او”
پھُل پھٹکڑیاں
تینڈیاں بُلاں تِھیں جھڑ جھڑ
-1 میندریا= مینڈڑیا- -2 تیندری= تینڈڑی- -3 دھاوندے= ڈھاوندے-
-4 مندپ مندوے مندیاں = منڈپ منڈوے منڈیاں -
کنڈوں اساڈِیوں سَلّ1 اوپر2 دے لاہوندیاں نی،
پانی جیہڑا ہو وَینا اے گھر گھر دا
ترُبک امرت ہے ایس ویلے،
ماں گُھگیئے
لنگھدی چُنج سُچی نال اپنی
وات اساڈے پاونی ایں
-1 سَلّ= 1) چھیک، موری، سوراخ، 2) کنڈا، کِل، 3) دُکھ، تکلیف، اوکھت، 4) سَٹ-
-2 اوپر= اوپرائیت، بیگانگی-