''جِتھاں جانے آں سُننے آں ایہا
’تُہانوں جیہناں سُکھالا کیتا
کال کیہا او پئے کٹدے نیں
نظر کدے ماری جے؟'' ‘
''ہووے جدوں وی کِدھرے جانا
پڑھ پھوکیاں کلاماں دِیاں پُونیاں
کناں وِچ مڑھ نِکلو،
اوازاں ایہو جیہیاں
لگ مگرے جے آون
بہاؤ باہر کُرسیاں ڈاہ
چاء پانی پچُھ ٹورو،
کِتے لِکھے اکھر ایہو جیہے
اکھ ڈھائے چڑھن لگن
مُل تار گھر لے آؤ
ڈاہو شَیلفاں وِچ سجا
آیا گیا پیا ویکھے
ویلے کویلے جھاڑ چھنڈ کے دُھونی دوالے پھیر چھڈو،
ایہہ گل میری کیتی نہیں
وِچ پشت پُشاکاں سِیتی
ہے پِنڈیاں تے نقش ہوئی
ایہدی جھاتی بہایا اے جِتھاں اج بیٹھے او
ایہدی رڑک چڑھاونائے اُتھے
وڈے جِتھے آئے پُجدے
لؤ پھیر ہُن میں چلناں ……
سچ اِک گل رہ گئی
بُوہیوں باہر کھلوتی مِلی جے،
اندروں ہُجکا وجے جاں ایہا جیہا
دارُو وڈیاں غٹَم جیہڑا کیتا
دو گُھٹ چُسک چھڈو''
''گِیا،
پتہ سُو خبرے
دس ایہہ جو جو جاندا اے
کرنے آں اوہا نال ایہدے''