فرید بھنڈار

''ایتھوں ہَلیو نہ،

پَوڑی اِک نہ ڈھلیؤ

اصلوں ڈھل ویسو،

اصلا ہویا جو اُپروں اُپر ہوئی جاون ای

ہیٹھ نُوں ہیٹھو ہیٹھ کرائی آون ای،

بھیت ایہا تے بِھت1 ہے دینہہ اساڈے دا،

رات اساں ایس دینہہ دی

ہوون نہ دینی ہوئی''،

''ہَیں ایہہ کیہ؟

پَوڑیاں مُک گئیاں نیں''

''نہیں پر لگدا اے

اندر تہاڈے سُتیاں سدھراں

ہیٹھلیاں نال رل ونجن دیاں جاگدِیاں نیں پئیاں،

گولی ہے ساڈے کول اوہناں نُوں مُڑ کے سوالن والی،

اوہ ہُن کھانی پینی جے''

1- بِھت= 1) بُوہا، 2) بُوہے دا اِک پٹ-