تھڑا لیکچر سُنن آئیاں کُڑیاں نال
''ٹکریا جے رانجھا کدے؟''
''سانُوں تے شیخ جی کَیدو ای ٹکردے نیں''
''خیر چُوری گِھن تُہاڈے رانجھے کولوں
کَھڑپَینچاں نُوں وکھالن لئی،
آکھو نا اج اندر بہالے چُوری کھاندے نُوں
پیا تھڑے تے عُذر دِین ہُن پچُھدا ای
رکھیا ہویا ای کِتے ٹِکانا
سانبھ کے ناں ناویں دا،
کہ موہ کھَس اُبَتّے رِزقوں اُداس تھی
ہو وَینا ای نینہہ پاندھی ننکانا،
وڑن نہ دیسن مُلاں مسِیتے
چڑھ لُڈن بیڑی ڈَھلسیں تے آسی اگے جھنگ مگھیانہ
راج ببانا،
پَوسِیا منگُو چَرانا،
ڈُھکی جنج کھیڑیاں دی
تاں ٹمک وجانا پَوسی رنگپور جاون لئی،
کڈھسن کھیڑے تاں جوگی ہونا پوسی مُڑ کے آون لئی،
سنھ لا نِکل سنگ ہیر دے بُوٹی ٹپسیں،
رَدِیوں جاں قاضی
جُگاں قبولے کوٹ نوں لاسیں بھا
سنگ ہیر وسیسیں بار،
ہَیں اوہا
تاں کرنی تیری کر اپنی وار پڑھاونی اے
جے ہیں ہور تاں کانی ورانی ہو اساں وی
لِکھ لِکھ ہور چھپاونی اے''
ورانی= بیگانی-