نابر جوڑکار1 جگ جاتے
عمراں بدھی کھیت اُتھل2 دے جیہناں واہے گاہے
اوڑک خلعت پہن نویلے سُتے
خلعت قدیمی اُتے جڑے جواہر ہوندے آہے
اندرس نویاں دے
ہوندے نیں ڈالر پرُتّے
کُل کلام یا چون چنگیری پھولو اوہناں دی کائی
لبھدے نہیں وِچوں بول
جیہڑے رل خلقت وِچ کَھلی بانہہ اوہناں بولے کدائیں
سُن نک سُنکے پارکھ پنڈتاں
چھج سُگھڑ جھٹ چھٹ لیائے
آہو جی
سمجھ کے ایہو سائیاں دی کھٹّی
پَلّے بنھ اُٹھ ٹُرن نہ نوِیاں پڑھنے پئیاں
ادب آرٹ دی ہو جائے چَوڑ ترَٹّی
1 - جوڑکار= شاعر-2 - اُتھل= انقلاب، ریوولوشن-