فرید بھنڈار

سُن تینڈی پڑچول دا

وڈے ملک صاحب آہندے سن

دس دئیں اوہنوں

اوہدے جیہے پنجھی چھبی سیر دے بندے نال

کدے میں نہیں لڑیا،

آہو میاں

ساڈے جیہیاں پنجھی چھبی سیرِیاں نال

لڑ بِھڑ ایہناں مناں مونہیاں کیہ گِھننا اے

ایہناں دا گھول تے تھیندا آیائے اخباری کھاڑیاں وِچ

تکیندے آئے نیں پاساں تے ہرکارے1

بھرتی ایہناں کرانے ہوئے ہزاراں بے وزنے

وردی دا وزن مڑھا کے

لکھاں کروڑاں اتولیاں دا اُپجایا

کر ٹناں مُونہیاں دا کھاجا ڈھو سمندروں پار پُچاون کارن

1۔ ہرکارے= 1) ہر کم کرنہار، 2) ڈاکِیئے، سنیہا پُجاونہار، چِٹھی رساں، 3) اردلی، چپڑاسی، 4) مُخبر، جاسوس-