تُساں سُکھ ساون ہو
وسو سیال اُنھال،
مَل کھوبے نوں کَھٹ کَھٹ پُورو
دھرتی کرو نہال،
دھن ہو آپ تُساں نِردھنِیؤ دوہیا قُدرت دا،
سانجھی بُرکی ہتھ تُساڈے
درداں چَھٹیا اَن ہو،
سُکیاں جِبھاں تے رس چواؤ
سُتیاں دِلاں وِچ نینہہ جگیندِیاں آپ نہ جاون سَوں
تُساں سُکھ ساون ہو……
ہتھ تُساڈے ٹوہنی فقیری
گوچر اگوچر گاہو،
میں دا بھار سِراں وِچ بھریا
مِل مِل تُوں ہو لاہو،
نِگھ ٹھار دوئے ہِک1 تُساڈی
نَینِیں سرے نِت سار
تُساں سُکھ ساون ہو……
نہ پَوندی اے کھوہ تُساں نوں
نہ چڑھدے نیں بَھوں،
آپ تھی ہر جی آپ اُدھارو
رہے نہ بیا بیاج،
1- ہِک= چھاتی-
نردھنِیاں دا راج بِراجا نوِیں جُون دا کاج
تُساں سُکھ ساون ہو
وسو سیال اُنھال……