''جیہڑی ٹاہنی سُک جائے وڈیو
لاہ کے سٹنی پیندی اے''
''لگی رہن دیو کیہ کہندی اے''
''نِکلن نوِیاں کیویں''
''کیوں، ایہہ راہ کوئی ڈکی کھلی اے اوہناں دا؟
ہریاں سُکیاں کٹھیاں ای رہندیاں آئیاں نیں
بعضے ویلے پُنگر نہیں پیندی سُکی وی؟''
''ویلا تہاڈا ہور ہا وڈیو
ہُن تے سُکن ای پُنگرن ہو گیائے''
''ویلا تے ساڈا وی ایہو ای اے
پُنگرن ویلے دے اسیں وی سُکے بیٹھے آں
خبرے کیوں ہویا کِس کیتا''
''ایسے ای رُت نے ہور کیہنے''
''چھانگ سٹو نا ایہنوں''
''چھانگن نال نہیں گل بننی
جڑھوں کڈھاونی پینی اے
جاوے
اگلے ورھے نہ آوے''