''اَیڈی لمی ڈانگ کیوں چاتی ودے او باوا
ٹویا ٹِبہ ٹوہن تے کم ایہدا ہویا کوئی نہ''
''بھائی جو جُڑیا سو لَے ٹُرے
کیہ کرئیے''
''سِجھنا تے نہیں کِسے راہ جاندے نوں''
''راہ جاندے نوں، کیوں؟''
''شہروں کڈھے ای راہ جاندے ہوندے جے اجکل سائیں
پِھر پِھر ہوئے انڈر گراؤنڈ یعنی زیر زمین
سِجھو تُسیں کِسے اوہو جیہے نوں
کَھل اوہدی دا تمبُو تانو
راہ وِچ گڈ ایہہ ڈانگ''
''تے تمبُو تھلے؟''
''جنج جلسہ عُرس جو مرضی کرا لؤ''
''ٹھیک ارشاد فرمایا جے حضرت
خطاب حضرتی لئی عُرس تے ہونے ای ہوئے سال دے سال کئیں
وِچ اِک راہ جاندیاں اساں جیہیاں دا سہی
جَمے ای جیہڑے زیر زمین''