فرید بھنڈار

پتھر چِتر

دھڑ ہئی پتھراں دی، پِیل نِیل وِچ کال کاسنی

دوئے گئے اسیں کول

میں آکھاں ‘‘کِس کِتھوں لاہے نیں’’

تُوں آکھیں،

‘‘وِچ کون نیں ویکھ’’

‘‘کون’’

‘‘جناور سَت لتا

سُکا سمندر تردا’’

‘‘مچھی

چَن مُونہہ تارے چانے’’

‘‘بِرچھ جڑاں اسمان

پر پروار اُڈار زِمِیں دُھر اندر’’

‘‘وِچ کون نیں اکھیاں لوء ہوئیاں’’

‘‘بُل نیں بول ہوئے’’

‘‘انگ نر نار زمین دوال ولے’’

بہہ گئے دوئے اسیں کول

ہس پئی دھڑ سِر جوڑ اساڈے نال

اکھے اساں ویہل ہاں آپ ہوون دی

آپ چوں باہر آئے’’