فرید بھنڈار

پال1 ولاویں جیہی سپولی وِچ نی گُٹِیؤ

ٹُریاں کِتھاؤں کِتھ آئیاں ہو،

گُٹِیاں میں کر پئی سدنی آں 

بھاوے نہ بھاوے خبرے ایہہ ناؤں 

ہوو تُساں کائی جُون انُوپی جائیاں،

سِراں تے چاتی ودِیاں ہو

ہِک ہِک پھُل بسنتی

ایہہ پھَل جُڑ کِھڑن دا ہے

اِکے ہے آد انِیل اناد اناہت2 پل

جیہنوں دھر سِر اِنّو تُساں ونجارناں 

اس بھار گِھجائیاں کان کوئی

اج ہؤل لیائیاں ہو

1- پال= قطار-

2- آدیس تِسے آدیس- آد انیل اناد اناہت جُگ جُگ ایکو ویس- (جَپ- نانک)