فرید بھنڈار

مُدّا ساد مُراد

(یانیس رِٹسوس1 دا)

میں لُکناں

چیزاں ساد مُرادیاں اوہلے

لبھ تے لوِیں نا تُوں مینوں،

جے میں نہ لبھاں

ہتھ تے لگسن اوتھے تینڈے

مینڈے جِتھائیں لگدے نیں

اَیر2 اساڈیاں کراں 3 دے رل اِک ہو وَیسن،

ادھ بھادریں چن پیا چمکے وِچ رسوئی

کَینہہ4 دے بھانڈے وانگوں،

(اِنج دا اوہ تھی ویندا اے،

جیہڑی میں گل پیا کرناں، اوہدے پاروں)،

چن گھر نُوں چانن لاوندا اے

تے گھر دی گوڈیاں پرنے ہوئی چُپ نُوں وی،

چُپ تے سدا ای گوڈیاں پرنے ہوندی آئی اے،

ہر ہر بول ہے راہ نِکلن دا

تروڑ ویہار دا کرن لئی،

(تجیا ای جاندائے بہتا تروڑ نُوں)

1- یانِیس رِٹسوس= (1909-1991) یُونانی شاعر- 2- اَیر= نشان- 3- کراں = ہتھاں (کر= ہتھ)-

4- کَینہہ= کانسی (برَونز)، (تانبے تے قلعی (ٹِن) رلا کے بنائی دھات)-

تے بول وی تاہیوں ہوندا اے سچّا

جدوں تروڑ تے تُل جاوے