لگر پتر نُوں ٹوہنا سُنگھنا ایں
ناں تے تینوں مینڈا وی نہیں آوندا
مینوں اوہدا کیہ پچُھنا ایں،
تینڈی جاچے میں بُوٹی اوہ بُوٹا
بھین بھرا اساں رن کھسم؟
ایہا ٹوہ ہے نا تینڈی؟
نہ اوہ راجہ نہ میں رانی،
کیہ کریسیں ساڈی کہانی،
ہان اساڈا ہوندا کیہ اے
پانی مِٹی دُھپ چھاں اساں
نہ کوئی ظالم نہ کوئی عالم
دھرم جات کیہڑا مُلکھ گراں؟
میں نہیں آہندی اُگ ساڈے وِچ
تاں تُوں جانُو تھیویں وار اساڈی دا،
دھرت سمندر واء سُورج ہو مان سیان
ناں کوئی نہیں ہوندا سہج دے سانگے دا