تقریر دے اِنکار اساڈے نُوں
کُجھ دا کُجھ بنا
چرچا گھنا اوہناں کیتا،
گھڑیاں ڈھیر کہانیاں،
اِک دِن لَوڈے ویلے آ گئے
بوتل شراب ولائتی دی
ساہویں دھریونیں،
”چکھو دو گُھٹ چار دیہاڑے
جِبھ روَاں دوَاں ہو وَیسی“
آکھیئم ایہدی لوڑ نہیں مینوں، لَے جاؤ نال
اُٹھ کھلوتے
”چلنے آں،
ایہہ تُہاڈی اے، تُہاڈے کول ای رہسی“،
میں کھول کے بوتل ڈولھ نالی وچ دِتی
خالی چائی اوہناں
اپنے تھیلے وچ دھری تے ٹُر گئے
مگروں ایہہ دُھماءِیونیں:
”گُنگا ڈورا ہو گیا جے ہُن وِسکی بخورا،
ایہہ بوتل ویکھو
میرے ساہمنے اوہنے غٹا غٹ پِیتی جے،
اِنقلاب ہُن آندا اوہدا
آیا کہ آیا سمجھو“