فرید بھنڈار

کچھُو کُمّا تَر تُر سکدا اے

چِڑیاں تُر اُڈ سکدِیاں نیں،

اسیں وی تُرنے1

سِکھ تَرن تَر سکنے آں

اُڈ پر نہیں سکدے،

ہوائی جہاز دے پَر تے سادے نہیں نا ہوندے

تاری2، تور3، اُڈاری،

کُونجاں لاوندیاں نیں جیویں بھاوے4،

کُونج بھیالی5 جے رنگ کُل دا ہو جاوے

تُرن تورن تھئے، ترن تارن تے اُڈن اُڈار کراون

مُکے مرن مراون،

انند6 اننتر7 ہر تن مانے

سہج سبھا8 ای

1- تُرنے= تُرن ہار- 2- تاری= ترن دا عمل- 3- تور= ٹور، ٹورا، ٹُرن دا عمل-

4- بھاوے= پسند آوے- 5- بھیالی= بھائی چارا- 6- انند= خوشی، سُکھ-

7- اننتر= 1) لگاتار، 2) اننت، اَمُک- 8- سہج سبھا= 1) قدرتی، 2) اپنے آپ ای-