ہِک نہیں تینوں دو مِلے نی
ترے مہینے ہِکا جان توں وریا1،
دو دِن پہلوں
جیون نال ہنڈاون دا تُدھ متا سُنایا اوہنوں
گلوکڑی اگے وی پیندی ہئی
اج پئی
تاں دوہاں چوں ہِک ہٹ دُھر پچھانہہ
سُنگڑ بیٹھا
دُوا اگیرے ہو تینوں آہندائے
''لیٹ ہو گیاں اج تے ویاہ اے''
''کیہدا''
''میرا''
ٹُر گیائے
تینوں بھَوں چڑھ گئے نیں
ہِک جی دو کیوں ہو ویندائے
جوڑ وچھوڑ ہے کیوں
کیوں گلوکڑی تکڑی ہوندی اے،
مِٹی پانی رسی
جھاتی اچیتی تیرے ول:
آ سنگ سکھیری ہو، رل کار،
سار تینوں ہو ویسی
1- وریا= ویاہ کر لیا-