دال چاول وِچ روڑ
چاولاں وِچوں چُگِیون سَوکھے
مانہہ مسر وِچ اوکھے،
نچ نچ رَلدے وکھرے تِھیندے
لتھیاں سُراں وِچ نِیویں واج پئے گاوندے نیں:
دھرت دیگ دے اساں پکائے
دُھوڑ سُنیہڑا رڑکاون
اج دنداں ہیٹھ ہاں آئے،
جو پئے کھاندے او سانوں چھان کے
اوہا ای روڑ نیں رِجّھے گُجّھے
اوہناں دا ای تروڑ چِتاون کار اساڈی ہوئی،
آئے کِتھاؤں اوہ
من بھرماون
خلق دی کرنی بھرنی بُھلاون
پُچھو تے سہی
کھا پچا پکروڑ تُساں پئے تِھیندے او
مرن کیویں پئے جِیندے او
بُجھو تے سہی