ہِکو شکل نیں دوئے لاکھے
اوہا دھوتی پگ سلِیپر
خبرے جوڑے نیں
داڑِھیاں مینڈے ویہندیاں چِٹیاں تھی گئیاں نیں
پارک چ ہِکا کم تے نیں دوئے
پَتر سہیڑ کے ڈھیری کرنا
ٹوٹا سگرٹ
پاٹا کاغذ
پِیتی بوتل لتھا لفافہ چا جھولے وِچ دھرنا
اِک مُسکانا
مینوں سلام اُچیچا کریندائے دُوروں
مَتھا وٹ اے دُوجا
میں سلام کریناں کولوں اوہ جواب نہیں دیندا
اج میں بنچ تے بیٹھا لِکھناں
ذرا کو پیر گھسِیٹ ٹُریندا آیائے پہلا
نال پیر دھر مینوں گِٹا وکھایائے
‘‘رِکشا وج گیائے
آہو لوائے نیں ٹیکے
آہو رمان ای کیتا ست دِن چُھٹی
اج آیاں نہیں کل کہ
آہو کل دی مُڑ کے سوج پئی اے ہے نا ویکھاں
آہو کل ای لاہی اے پٹی
آہناں ایہنوں کُھلیاں رکھاں ہے نا
نِم دے پتر دو تَرے، تتا پانی
دھوندا ڈرناں
ماڑا بنداں
کہن بہانے خور اے ویکھو’’
ٹُر گیائے، سوچاں
اُپرلیاں وِچوں سمجھ کے مینوں آیائے کہ خبرے اپنا کر کے
کون ہا ایہہ پہلا کہ دُوجا
اچیتی شک پیائے
اِکو تے نہیں ایہہ دوئے؟
ایس اِک بھانے میں دو ہوواں
اپنا اِک بگانا