فرید بھنڈار

مَیٹر میٹرئیل مادا مادی کر اسیں پڑھدے لِکھدے رہے،

اِک دِن آن اچنبھا

لفظ اِک کول ہو سانوں آہندائے:

''دِین ادھین کنگال کمِین ہاں

کپڑ کپاہ ہاں میں ای،

مَیٹر میٹرئیل مینوں سمجھو''

اسیں بے یقین

مُونہہ اوہدا تکدے رہے،

سہج سبھا گل اینی کر کے ارتھالی لُدھیانی1 وِچ اوہ پرت گیا،

پکھنو جیویں کوئی چُنج کھول کے

بولی اپنی اِک پَل بول کے

جا آہلنے بیٹھے

1- ارتھالی لُدھیانی= پنجابی ڈِکشنری، لُدھیانہ مِشن پریس، 1854-