بُڈھڑے بہن آئے نیں پارک
بال آئے نیں کھیڈن
اوہ آہندے نیں گیند ربڑ دائے ایہہ تے بابا
ایہہ نہیں لگ سکدا
ایہہ آہندے نیں وِچوں نہیں پولا کاکا
جان ساڈی کڈھ سکدائے
تُسیں ہور کِتے جا کھیڈو
ایہہ تھاں اے ساڈے بیٹھن دی
اوہ آہندے نیں تُسیں ہور کِتے جا بیٹھو
ایہہ تھاں اے ساڈے کھیڈن دی
بُڈھیاں بالاں وِچ مُتّکا
مندر مسِیت مُتکے وانگوں
ہر واری نواں پُرانیوں ہوندا آن سِراں نوں چڑھدائے
پر اِک گل بڑی عجیب اے
پنج وِیہاں عمر جے میری
پیو لیکھے
ماں لیکھے سَت وِیہاں
ہٹیاں والیاں دا
مندر مسیتاں والیاں نال مُتّکا اساں نہیں ڈِٹھا
جِتھے اوہ نیں اوتھے ای اوہ نیں
اِکو ہان نیں دوئے خبرے تاں کر کے
ہانیاں والی کُھرک رَڑک تے ہور بات ہوئی