''دِن چڑھیا تے لہہ گیا''
''جاندا کیہ کہہ گیا؟''
''تینوں مینوں ہوش کیہی
لتھی چڑھی دی اوہدی''
''آہو
ساڈا کدوں اوہ ہویا پراہونا
اوہناں ای کھوان پیاون اوہدا کرنا ہویا
عیش خانے سرکاری وپاری ہوئے جیہناں دے''
''نہیں
دِن ساڈا تے ہویا دِین''
''آہو،
چڑھ کھولدائے مندر مسِیتاں گِرجے''
''نہیں، ایہہ ہور دِین اے''
''کیہڑا؟
مسکین مُسافر آتر اسماتر؟''
''نہیں''
''دس وی مُڑ''
''ستُھول
کھاون پیون ورتن وچ ہے جو''
''ایہہ تاں ہوئی بجُھارت''
''بجُھ وت، خاب خیال تے نہیں''
''دیہہ ہے دینہہ؟''
''آہو
پِنڈ، پِنڈا''
''گل کِتھے دی کِتھے ٹُر گئی
لُکیا پیائے ساڈا دینہہ تے ساڈے اندرے ای''
''آیا باہر تاں
چڑھ سُولی چڑھاسی رات انہوئی
ہو دُلا بھٹی فقیر عنایت بھگت سِنگھ منصور''
''ہور بے انت
نام انام ہے جیہناں دا،
تُوں میں ای ہوئے نا سمجھو''
''جُل، کر سمجُھوں''
''جُل، ول بھُل نہ ونجے''