جَھک تَک پئی اُلری
رمک سانجھ دی اندروں
ٹَھل ٹھاک بہالی نُکرے اساں ایانی
نہ ٹَلی
اساں کر کانکی
میں مانجھا لاء ڈور
ست اسمان چڑھائی
سنگھنے پیچ پئے
اساں ڈھیر شریکے نویں پُرانے بو کاٹے کروائے
بندُوقاں چُھٹ پئیاں
دھمک دھماکے آل دوالے چھائے
گاٹیاں تے پِھرن لگی
مانجھا ڈور اساڈی
اساں آپے شرع شہادت پا کے
ہندو رسم مناہی
وَیرن ساڈی رمک سانجھ دی
ویکھو کھیکھن کیہڑا ہُن کرویندی اے ساتھوں