فرید بھنڈار

''ہو گئے نیں ہُن سوا چار

ہوو تیار''

''کاہدے لئی''

''تُہانوں پتہ ہووے

ساڈا تے اَینا ای کم اے

نہ دسیئے تے کھائیے مار سہنسے دی''

سوا توں ڈُوڈھ تائیں

لاہ پا کیتا

نِکلی آں باہر سواری لئی،

اوہنوں سہنسا ٹُکّر دا اے

سانُوں ناں دا

پر اوہدا ''ساڈا''

میرا ''سانُوں''

ایہہ کیہ اے

پَون سوائی دھڑ1 کھہیڑ ای لگدی اے،

ہوئیے دوئے رل چار کیویں

ایہہ اچار بناون دا

پتہ متے ہووے اوہنوں

1- دھڑ= 1) سریر، 2) دھڑا، میل، 3) گاہن مگروں تُوڑی تے دانیاں دا مِلیا ہویا ڈھیر،

4) دانیاں نالوں وکھ کیتی تُوڑی دا ڈھیر-