‘‘کالیا کرماں والڑیا
پندھ کِتنا تینڈا نِبڑ گیا نِت کَھلیاں شَرک کنارے؟’’
‘‘جِندے شبد سُکھاندڑِئیے
بھوئیں ہیٹھ نہ پانی دِسے اندرے اندر وگنا
توڑو توڑ ساڈی پال سنبھال ہے
اِکدوجے دا ساہ سینتر ساڈا دِیوا ہتھو ہتھ جگنا’’
‘‘بھولیا کَنڈ کڑیالڑیا
دینہہ پر رات ٹرک ٹریفک آڑھت دھڑت مُنافے
تُساں ہو گارڈ سلامی دستہ
یا صَف پُھوک وظیفے صافے’’
‘‘راہیے نی راہ ول جاندڑِئیے
رِزق ہے دُھوڑ خُنامی
ناں دی بُھکھ نہیں
اساں نہیں ہرن منارے
چائے نہ موڈھے لاؤڈ سپیکر
کَن سَن وِچ دما دم کِھڑنا اساں اچیت بہارے
پیروں واہنے سانجھ پرِیتل پاندھی ڈُھکنے
اندروں اساڈے رستہ’’