فرید بھنڈار

وِیرو پھُلیرن تے بیلناں 1 جلّی2 پائی اے

پِنڈے3 نیں پَرتو پَرت4 پُشاکاں

جِویں نیں گنڈھے5

سریر امِیر پَشُو6 پُشاکی7 کُل ہستی8 اے

لاہ9 پاون نِرت10 مستی11 اے،

ماس12 دی جائیں 13 اے لِباس

ہڈ14 نیں کِلیاں 15

ساس16 دی تھاویں آوا جائی17 راس18 دی اے،

وِتھ19 ایہا عام تے خاص دی اے،

ناس20 ای واس21

ایہا وِراثت22

ایہا وِراس23،

جیہڑیاں بِھیڑاں 24 نیں مالاں 25 تے

اوہا نیں لَنڈے26

پٹن27 آئیاں ہاں سَیّو28

اساں ہُن ایہو چِروکی29 گڈاس30

1- بیلناں (جمع) بیلن: کم وِچ ساتھن، کار ہانن- 2- جَلّی: لوک نچ، اِک عام لوک ناچ-

• پِنڈے (جمع) پِنڈا: سریر،جِسم- 4- پرتو پرت: تہہ تے تہہ- 5- گنڈھے (جمع) گنڈھا: پیاز، وَسل-

6- پشُو: جنَور، ڈنگر- 7- پُشاکی: (پوشاک: مہنگا لباس، امیراں دا) پوشاک پاونہار- 8- ہستی: ہوند-

9- لاہ: 1) لاہ کے، 2) لاہا، منافع- 10- نرت: نچ، ڈانس، ناچ- 11- مستی: مست ہوون دی حالت- 12- ماس: گوشت، چَم، کَھلّ- 13- دی جائیں: دی جگہ تے، اوہدی تھاویں - 14- ہڈ: ہڈیاں - 15- کِلیاں (جمع) کِلّی: کپڑا ٹنگن والی کُنڈی- 16- ساس: ساہ، سانسن- 17- آوا جائی: آون جاون دا عمل- 18- راس: سرمایہ، کیپیٹل، وکھّر- 19- وِتھ: فرق، فاصلہ- 20- ناس: خراب ہوون دی حالت، وگاڑ- 21- واس: 1) وسن دا عمل، وسیب، وسّوں، 2) سُگندھ، بو، خشبو- 22- وراثت: ورثے وِچ مِلی (وست، مال، دولت، جائداد، مِلکھ، ملکیت)- 23- وِراس: 1) بے راس ہوون دی حالت،

2) اَسیدھ، 3) راس (واگ، لگام) توں بغیر، 4) بوڑھ دیاں گولاں چوں کڈھیا پِیلا زنگ-

24- بِھیڑاں (جمع) بِھیڑ: اکٹھ (بَوہتے لوکاں دا)- 25- مالاں (جمع) مال: وڈی امیر دُکان-

26- لنڈے: اوہ بزار دُکاناں جِتھے ورتیاں ہوئیاں شیواں وِکدیاں نیں (سیکنڈ ہینڈ)- 27- پٹن: پُٹن، اُکھیڑن- 28- سَیّو: سہیلیو، بیلنو، ہاننو- 29- چِروکی: چِراں دی، دیر دی، واریاں دی-

30- گڈاس: 1) گڈّی ہوئی چیز، 2) بِیجی فصل-