تُساں جگ تے وجایا میہنا
"جالا مکڑی دا"
رزق وسیلہ میرا"جال"بنایا
آپ کیہ کردے آئے او
تساں جنور جُگاں نہیں پھاہے؟
کر مال نہیں واہے لاہے؟
کدھر گئے جیہناں ڈھو ٹوکری
دفتر منڈیاں ٹھانے کوٹھیاں چاڑھ تہاڈا شہر جنجال وسایا
پھس نپیڑے گئے نہیں وچے؟
کھاندے پاندے کیہ او
آہر کار وچ لہو کیہناں دا کر پٹرول ہے پایا تُساں،
میں گل ہور نہیں کرنی
تُساں آکھو تقریر پئی کردی اے،
کھول چَینلاں
گیس جوابی تقریراں دی چھڈ میری جُون مُکاؤ،
میں آکھن ایتنا ای آئی ہاں
مینوں ساہ اپنے وچ سہی پئی ہوندی اے چھوہ نویلے ویلے دی
اساں کیڑ مکوڑاں مکڑیاں نہیں ہِک نوں کھانا
تت ست سانجھا رزق اساڈا
ہو دھرتی چوں آنا،
تند میری
ساہوں سَوَّلی
کُولی مہر نگاہوں
ہو اچنبھا سرنی اے
میرے دل تکلے دی دھڑکن چوں