فرید بھنڈار

رل سارے ہر ہر نُوں

اِک صِفرا دان کرو

اساں اوہنوں بنھ ہِندسیاں نال

رقماں لکھ کروڑاں ارباں کھرباں دِیاں دا

انگ1 نہیں کر دینا،

سک2 اوہدی نُوں

ایڈا تنگ نہیں کر دینا،

اساں تے اوہنوں مَتھے تے دھرنا اے

کر کے اوہا جو ہے اوہ

سُنّ،

جانے کُجھ وی نہیں

پر ہو سکدا اے اوہ

جو ہُن تائیں نہیں ہویا:

موہرا1 کُل اُتھلّ دا،

اج بُوہا کُھلّن کُھلّن کردا

پِرم2 سنجھالی3 کل دا

1 -اَنگ: حِصہ، عُضو، پارٹ- 2 -سَک: سکَت-

1- موہرا: اگلا حِصہ-2 -پرم: پیار، پریم، عشق-3 -سنجھال: سانجھ ورتارا-