ستیں ویہیں سو اساں ہُن نہیں کرنا
بتھیرا وٹ لیا جو آہا لیکھے
ہُن تِنیں ویہیں سو کرن دا ویلا ہے
کار وپار تے وقت ویکھدائے،
ٹائیاں سُوٹ لاہ شیروانیاں پائیاں اساں
مہربانیاں اوہناں دِیاں کوئی گھٹ تے نہیں سُوٹاں توں
لاہ گیا ویلا تے لہہ گئیاں
دھوتی لنگوٹ تد ہوئے اگیرے،
سو بس ہُن تِنیں ویہیں
حد ساڈھے سوا تِن
پونے چار بڑی کوئی بِھیڑ بنی تاں،
کار وپار تے وقت ویکھدائے
بُہتا اگانہہ وی نہیں
جوشی نجومی ساک لین لئی آ جاندے نیں
دینا پیندائے،
بُہتا پچھانہہ وی نہیں
عالم فاضل ساک دین لئی آ جاندے نیں
لینا پیندائے