ایہناں کیہڑا اک تھک مَل وانی دا
آہر مُکانا اے،
جو ایہہ ہے نیں
آل اولاداں ایہناں دِیاں
اوہو تھی آئی جانا اے،
بھُکھیاں مُونہاں چوں کھوہ بُرکیاں
سوئن1 بُرجیاں محلاں دیاں گُنبداں دے سِر تے
مڑھائی جانا اے،
ہاہ ہا،…… اساں کرنہاراں رل گھیر ایہناں نُوں
مَل سَینٹھ2 سُرِیت3 کرائی کیوں نہ،
کیوں کرت سواد رچایا نہ ایہناں دیاں کراں 4 اندر،
بھیالی وِچ بھیوں نرما کے
ایہناں نُوں
اَینٹھ5 پریت کرائی کیوں نہ،
چلو اگوں سہی
1-سوئن: سونے دِیاں 2 -سَینٹھ: جُڑت، رلت3- سُرِیت: چنگی رِیت4- کراں: ہتھاں 5-1 اَینٹھ: آکڑ-